समाचार
चिचिला गाउँपालिकाको संक्षिप्त परिचय
यो गाउँपालिका पुर्वमा सभापोखरी गाउँपालिका, दक्षिणमा खाँदवारी नगरपालिका, पश्चिममा सिलिचोङ गाउँपालिका र उत्तरमा मकालु गाउँपालिकासंग सिमा जोडिएको चिचिला गाउँपालिका जिल्ला सङ्खुवासभा, १ न. प्रदेशमा पर्दछ । यो गाउँपालिकालाई छिचोल्दै कोशी- ल्हासा राजमार्ग तय गर्नु पर्नेछ । देशको संघीय पुर्नसंरचना अनुसार संघीय मामिला तथा स्थानीय विकास मन्त्रालयले ७५३ स्थानीय तह (गाउँपालिका तथा नगरपालिका) लागू गर्दा सङ्खुवासभा जिल्ला मत्स्यपोखरी र दिदिङ गाउँ विकास समितिहरूलाई समेटेर चिचिला गाउँपालिका घोषणा गरिएको हो । ५ वटा वडा रहेको गाउँपालिकाको कुल क्षेत्रफल ८८.६३ रहेको छ । प्राकृतिक, साँस्कृतिक एवम् जैविक बिबिधताले भरिपूर्ण यस गाउँपालिकाले धार्मिक, साँस्कृतिक एवम् प्राकृतिक पर्यटनको भरपूर सम्भावना बोकेको छ । यो गाउँपालिकाको सबै भन्दा उचाईमा रहेको बलुथाम बौद्ध स्तुपा हो जसको उचाई समुन्द्र सतहबाट २३५० मिटर रहेको छ । यहाँ प्राकृतिक पर्यटनमा मत्स्यपोखरी, धुवा छाँगा, नाग दह, चुच्चे ढुङ्गा ईत्यादि रहेको छ ।
कार्यालय केन्द्रः | जम्मा वडा सङ्ख्या | जम्मा जनसङ्ख्या | समावेश गा.वि.स | जम्मा क्षेत्रफल |
चिचिला बजार | ५ वटा | ७०६५ | दिदिङ र मत्स्यपोखरी | ८८. ६३ वर्ग कि.मी. |